植物於綠化屋苑之應用 (位於啟德新發展區) (1) by PT

公園參觀1 (by PT)

參觀公園的園林藝術、植物特性及保育，對於一個香港有代表性的名園加深認識，對樹木認識增加，獲益良多!

神山, 神女? No, 係艷女....

聽講, 每座高山都有山神守住, 尤其是特別有靈氣既高山, 例如日本人視富士山為神山, 雲南麗江人拜玉龍雪山山神等等... 傳說山上不但有山神, 還有山精遊魂 (喂! 咪睇咁多聊齋啦!).... 以前我會覺得係落後民族既迷信觀念...

今日跟山川行山, 落山時有位朋友受傷, 令我回想起幾年前跟山川行'龍山'時親身遇到一件奇怪事情... 話說當日一馬當先落到半山一塊平地上, 正在等候大隊之時, 忽然一腳後踭被撞至向前踏上一步... 野狗? 轉身一望, 後面甚麼也沒有喎.... 姨咦! 好似唔受歡迎噃, (醒水啦)咪企遠少少囉... 咁大力, 究竟係乜東東呢? 諗極都唔知俾乜嘢撞, 總之係半圓形物體, 軟林林咁囉(一兩年後先醒起係動物鼻哥, 狗鼻之類), 等到大隊過咗一大半, 最後嗰批剛剛到步, 忽然有位女仕喺大約位置無喇喇拗柴... 嘩! 真係咁邪? 山上原來真係有山精, 點到我唔信?

靜雞雞話俾你知, 以上事情與本主題無關, 今次主題仍然係講川藏行... 哈哈, 你哋中伏呢? (妖! 又係西藏, 你唔厭咩?) 上次賣咗個關子, 喺離開神山亞丁(上圖)之後, 有位靚女要求跟會長同車去拉薩....

喂! 喂! 唔係呢個呀? Sorry, 嗰位靚女冇相睇... 呢張相係途中某個景點遇到既靚女, 與本故事無關.... 事實係好殘酷既, 嗰位靚女唔係要mark住會長, 實情係要跟會長架車既司機大佬去拉薩... 車隊班司機大佬緊係襯我哋入咗神山(亞丁山)嗰晚去咗威啦... 嗰位小姐係咪(花街)神女就唔知, 艷女就一定啦, 唔係點電到車隊個亞頭暈陀陀呢? 車隊亞頭咪係會長架車個師傅囉, 大佬出到聲, 諗住唔會托手掙啦... 嘩! 呢吓真難拆.... 唔係一程半程路, 仲有好幾日車程, 架車坐多個人喎! 即係明屈唧.... 當中刪去幾萬字點拆? Plan B點做? 總之難拆, 最後緊係NO WAY啦.... 面左左就實有啲喇... 不過全程有賴呢位大佬, 手車技術一定要讚囉... 例如喺通默天險開路, 幾乎得三個碌黏地既情況下, 喺懸崖邊扒頭, 喺後面既我哋睇到毛管頭髮楝起哂囉! 又喺某條主路有交通意外, 車龍塞到好長好長, 水蛇春咁長, 佢竟然有本事喺車龍中間左穿右插, 跑到好前既某處揾到一塊冇人注意到既地方, 仲可以同時容納四架車, 整個車隊泊埋一齊, 道路一開通立時幾乎'四車當先'離開塞車現場, 慳番幾粒鐘時間....

你睇呢位司機大佬 (咪住, 佢唔係車隊大佬呀!), 唔知佢車上有幾多往生咒呢? 每到一個高山就一大叠一大叠往上一抛.... 好多四川人跟西藏人宗教差不多, 更何況呢幾位本來都係藏民.

我哋途中經過某世達賴既出生地, 有隊友(好似係關師傅)無意中影到一張奇怪相, 唔知大家覺得呢張相係光源問題定係乜嘢原因呢? 留意吓, 橙色頂部好似一支幡咁喎!

其實我自己喺某間旅館都影到幾張奇怪相, 不過唔賣廣告咯... 總之, 高山之上, 可能天比高啩! (以前啲國師都要起個觀星台觀察天象) 靈氣相對地高啲啩! 總之, touch wood 最後大家安全到達西藏拉薩.... 睇吓! 布達拉宮就喺後面咋! 羡慕哩!

四川 & 潮汕 風水遊

從2012年開始認識山川，並協助山川籌備每年的風水考察！雖然接觸了5年風水但到目前為止，我對風水玄學還是一竅不通。只知道一些似懂非懂的名詞：砂；脈；青龍；白虎；案山；名堂；收逆水；凹風；頂；爐底！點樣串聯這一大堆東西真是一門學問！

剛過去兩個禮拜又帶了兩團，一團去四川，一團去潮汕。團友都是風水專家，參觀了一些名人風水穴！我就做塘邊鶴，聽聽他們的分析，我就除了觀看風景外也增加了旅遊的趣味性。

四川遊：

閬中：袁天罡和李淳風2大唐朝玄學家的墓。他們兩師兄弟就是“推背圖”的作者！

早上參觀了淳風嗣和李淳風的衣冠塚！專家的評價：嗣後靠山像一雙頭蝙蝠，右手白虎砂層層緊扣所以繁衍徒子徒孫學道。衣冠塚就在嗣的對面山腰！

下午參觀了袁天罡墓，建於天宮院的山上，當地人的評價高因為它像坐落在一個“太爺椅”，開頂及爐底深和寬！我就知咁多。。。。專家說是好穴，有得著！

之後去李淳風墓，對唔懂風水的我都覺得嘛嘛，因為唔開揚。但當地人說是“回龍顧祖”，專家說不是！

廣安:  鄧小平故里及鄧小平太嫲談氏墓

故里如其他名人毛澤東故居差不多，名堂有池塘面向案山，感覺舒服！

關於墓，專家評價說有4舊天然的鎖氣石在脈上，開頂和爐底深，有得著！都系唔明！

潮汕遊：

其實和上次10月國慶去的一樣，但多了個江夏黃墓！

專家評價李氏祖墳為蜘蛛結網穴，因為面向的案山像一頭蜘蛛在韓江喝水，面向的田像蜘蛛的網代表李氏在各行業都有涉獵，邊個墮入網中佢就食硬你！唯一敗筆是那個風景指示碑，影響了它的風水。。。

江夏黃墓專家們說是墓面向金星，羅星緊密，左上角位有朝山像俯拜，右前方山巒岌岌向外走，表示黃氏世代繁衍。該墓有超過1000年歷史。。

唔好介意我隨便寫寫,希望各位專家批評批評！對我目前來講，我喜歡旅遊而玄學給我在旅遊中增添樂趣！好的墓穴一般都是在風光明媚的地方。

我也要找點時間去上上課，增加瞭解！

文：edmond yau