上一站 -- 西藏

喺下一站--西藏 既上一站行程, 唔好意思都係西藏, 原因上一站--西藏既下一站本來係北岳, 不過我冇參加, 所以對於我來講, 上一站仍然係西藏.... 不過上一站既行程主線係從成都坐四驅車上三~四千米高山, 再沿住318國道玩到去拉薩散band... 你睇我哋隊車隊, 加上個個影'後'級人馬, 型唔型呢? 陣容直頭勁啦... 哈哈!

再睇吓車後邊個排頭, "天路72拐"喎! 勁呀呢? 呢個72拐係下山, 咁上山呢?

上山要走天路18彎... 呢! 咪下面幅相咁囉!

嗰次覺得走呢乜彎乜拐超勁.... 不過行完後藏之後, 原來由拉薩三千幾米上山要再上多成千米(4千幾米), 之後沿途都要扒上千幾米(海拔5千幾米)之後落千幾米(海拔4千幾米)既高山, 上上落落都唔知越過幾多個高山? 走過幾多條形似18彎72拐之類既彎道... 呢乜彎乜拐? 唉! 算把啦.... 不過從成都扒升上四千米高山前, 經過一個還在興建中既隧道, 唔知係咪高爾寺山隧道呢? 嗰鑊金咯... 若果唔係走四驅車, 喺咁高高低低超爛路上飛馳, 普通車輛必定散哂, 沿途上就發現好多壞車泊於一旁, 喂! 小心山上碎石呀! 老友... 就算你有靚車坐, 不停地抛高抛低, 好似見到靚女咁暈其大浪, 抛到甩哂肺啦.... 嗱! 你睇, 隊友Antony 影既相, 好似玩電玩咁!

呢個講咯, 講到入山, 途中有一轉我哋抛開哂四驅車車隊, 自己坐車入亞丁山入邊穩居咗兩日, 到出山之日.....  嗱! 依家講開都仲好妒忌架, 竟然有位靚女要黐住會長話跟佢去拉薩喎... 你哋見到恨唔恨吖? 冇計喎, 靚女指名要跟會長車, 我哋得個睇字囉! 至於詳情係點? 有機會先講啦!

文: 鄺偉雄